новыя фота :
Вітаем Вас на афіцыйнай старонцы беларускага этна фолк гурта GUDA!
відэа:
I Feel You
Відэа-замалёўка на кавэр DM "I Feel You" зроблены супольна з Neuro Dubel для праекту Personal Depeche (Belarusian Tribute to Depeche Mode «Personal Depeche») — складанкі песень брытанскага гурта Depeche Mode у выкананьні беларускіх музыкаў.
Шешори Подільські:
GUDA на Шэшорах
Міжнародны фэстываль этнічнай музыкі ды лэнд-арту «Шешори Подільські» адбыўся 12-14 ліпеня ў Віньніцкай вобласьці.
Самы вялікі ва Украіне, а цяпер можна лічыць і ў Эўропе, фольк-фэст прайшоў сёлета ў пяты раз на беразе Паўднёвага Бугу і сабраў больш за 30 000 гледачоў і музыкаў ня толькі з суседніх краінаў, але з Вугоршчыны, Францыі, Вялікабрытаніі, Швэцыі, Нямеччыны, Чэхіі, Грузіі. Беларусь на фэстывалі мелі гонар прадстаўляць мы, GUDA.
>> падрабязьней
супольны праект:
ZARA
Пры самым канцы 2006 году ў Піцеры пабачыў сьвет супольны праект фальклорнага гурта «GUDA» і гурта сярэднявечнай музыкі “Drolls” (Карэлія) з назвай “ZARA”. Дыск прызначаны для распаўсюду толькі на тэрыторыі Расеі. Назва праекту – беларуская (расейскі адпаведнік – “Заря”) і сугучная з назвай песьні з рэпертуару гурта GUDA – “Зара мая, вячэрняя”, аранжыраванай музыкамі “Drolls”.
Першае, што пачуе рускі слухач на плыце – гэта сакавітая беларуская мова. Унук просіць дзеда распавесьці, як даўней жылі людзі. У выкананьні таленавітых чытальнікаў, Віктара і Алега Каліноўскіх, гучыць нязмушаная размова і фрагмент аднаго з найбольш цікавых і старажытных паданьняў, якое распавядае аб утварэньні зямлі.
На плыце слухач пачуе традыцыйныя абрадавыя сьпевы гурта GUDA -- найстаражытную музыку Эўропы і сярэднявечную эўрапейскую музыку ў выкананьні гурта “Drolls”. Прэзэнтавана і супольная праца гуртоў -- цікавыя прафесійныя аранжыроўкі беларускіх абрадавых песень, што выконвае GUDA. Сьпеў гучыць у суправаджэньні мноства сярэднявечных інструмантаў у насычанай гукавой стыхіі.
дыскаграфія:
Ігры багоў на CD
"ІГРЫ БАГОЎ" - сольная праграма, створаная фальклорным гуртом "GUDA" паводле найбольш яскравых мiталягiчных сюжэтаў. Яе складаюць абрадавыя песьні - найстаражытнейшы пласт традыцыйнай культуры беларусаў.
У абрадзе чалавек зьвяртаецца да багоў і продкаў. Абрадавая песьня нясе ў сабе звароты да бостваў, яна прасякнута прадчуваньнем і адчуваньнем іх прысутнасьці. Нашы прашчуры лічылі, што менавіта пад час абраду багі зьяўляюцца ў сьвеце людзей, пры гэтым часта набываюць людзкое аблічча, бяруць удзел ва ўсіх найважнейшых падзеях жыцьця чалавека.
>> падрабязьней пра новы дыск
прэса:
Iгры з багамі
Рэпартаж "Gegaruch.org" з нашага выступу ў Моладзевым тэатры эстрады 25 траўня.
Рукі, узнятыя далонямі дагары адзінай спявачкай на паўасветленай сцэне, пад час спеўнай замовы да бога навальніцы Перуна сваёй скрайняй архаічнай простасцю ў пэўны момант змусілі проста забыцца на тое, што ўсё адбываецца сярод чужых тынкаваных сценаў, – нагэтулькі эмацыйна моцным аказваецца гэтая архетыповая постань, постань адарацыі, ушанавання ...
- увесь рэпартаж
прэса:
Iх музыку крадуць
Інтэрв`ю Андрэю Скурко для газэты "Наша Ніва"Рэканструяваныя "Гудай" песьні паўстаюць у максымальна чыстым і натуральным выглядзе. Выканальніцкі эгаізм, і адпаведна "папсовасьць", зьведзеныя да мінімуму. Ніякага шоў, ніякага бізнэсу. Ці можа прадавацца такі прадукт? Відаць, можа, калі на яго спакушаюцца аўдыёпіраты. Песьні гурту, не спытаўшы дазволу, перавыдалі маскоўскія русафілы. У анатацыі дыск характарызуецца як "славянские песнопения", а слова "беларускі" адсутнічае наагул ...
- падрабязьней на сайце "Тузін Гітоў"
зь гісторыі гурта:
Больш за 10 гадоў таму
маладыя людзі (навукоўцы й студэнты) аб'ядналi свае высiлкi, каб дасьледаваць
старажытную гiсторыю й культуру тутэйшае зямлi... - працяг
- запрашэньне:
Cьпяваць разам з намі!
Вы жадаеце сьпяваць разам з намі? -
Пры гурце запрацавала падрыхтоўчая група, у якой праходзяць навучаньне
фольк-вакалу асобы ахвочыя, таленавiтыя, творчыя!
| Hавіны: |
22.11.2008
GUDA ў Варшаве.
Шаноўная нашы Варшаўскія сябры!
Запрашаем 22 лістапада на канцэрт, які адбудзецца ў клюбе Punkt (Koszykowa 55, Warszawa). Будзем пець мы, а таксама Палац і Masala (PL).
11.10.2008
Сэмінар у Менску.
Менчукоў запрашаем на "гудаўскі" сэмінар, які ладзіць наш гурт для сваіх удзельніц, сяброў і прыхільнікаў. 11 кастрычніка (субота). Тэма – “Традыцыйны сьветагляд. Дзяды”.
Дакладчык – Аляксей Дзермант.
Даведка праз тэл.: 8.029.6082556 (velcom).
14.09.2008
Вольга ў "Benaroya Hall".
Вольга Карпцова, сьпявачка гурта GUDA, выступае ў Бенароя холе (Сіэтл, ЗША) у нядзелю 14-га Верасьня зь Юлиянай і этна-гуртом аўтэнтычных песень "Пава".
Вольга выканае песьні "Маладзенька Надзечка", "Ішла купала" і "Жніця жнеячки".
)
27.08.2008
Слухайце інтэрвію з гуртом GUDA у сераду, 27 жніўня 2008г. у этэры радыёстанцыі БЕЛАРУСЬ з 01:00 па 02:00 па мясцовым часе (22:00 - 23:00 па Грынвічу) у КВ-дыяпазоне на част. 7360, 7390, 7150 кГц.
У студыі радыёжурналіста Зьмітра Занеўскага -- Вікторыя Міхно, Ганна Емялёва і Дар’я Зуева.
15.08.2008
Віншуем cям'ю Тарасевіч з нарадэньнем дачушкі Златы.
Хай расьце шчасьлівая і здаровенькая на радасьць бацькам!
12-14.07.2008
GUDA выступае на міжнародным фэстывалі этнічнай музыкі ды лэнд-арту «Шешори Подільські» (Украіна, Віньніцкая вобласьць).
8.12.2007
Запрашаем на першы зімовы фольк-фэст у Малой залі КЗ Мінск. Разам з GUDA выступаюць Ліцьвіны і Госьціца. Даведкі: 649-08-88, 766-24-25.
18.04.2007
Прэзэнтацыя новай супольнай канцэртнай праграмы са Зьмітром Вайцюшкевічам & WZ-Orkiestra! Прыходзьце 18 красавіка ў менскі клюб Дзяржынскага (вул. Камсамольская, 30). Даведкі: 6.451.722, 2.033.182. падрабязьней
15.07.2006
15 ліпеня прыязджайце ў Крупкі на фестываль этнічнай музыкі "Вольнае паветра"! Апроч "GUDY" вы пачуеце "Палац", "Тройцу", "Drum Extasy" і іншых. Пачатак а 20 ай гадзіне. Падрабязнасьці й бясплатная рэгістрацыя ў афішы на ТУЗІНЕ ГТОЎ.
25.06.2006
Запрашаем на Купальскі Фэст, што пройдзе ў менскім Палацы Мастацтваў!
.. падрабязьней
21.04.2006
Зь песьняй "Сьвяты Яня" (супольны праект "ZARA" з гуртам DROLLS) GUDA дэбютавала ў галоўным беларускім інтэрнэт-чарце ТУЗІН ГІТОЎ. Колькі там пратрымаецца наша песьня, залежыць ад Вас! Галасаваць за ўлюбёныя песьні ў гіт-парадзе ТГ можна штодня. Таксама трэба зазначыць, што са зьяўленьнем на ТУЗІНЕ, "Сьвяты Яня" трапляе ў ратацыю ў "тузіноўскіх" праграмах на радыё-станцыях "Мінск" ды "Рацыя".
05.04.2006
Ужо амаль завершаная "чыставая" праца пад новым альбомам "Вясельле"
Дарэчы, пачуць вясельныя песьні "in air" ў выканьні "Gudy" можна 5 красавіка а 10-ай раніцы ў Траецкім Прадмесьці Менску (у двары каля ЗАГСу).
"Міні-канцэрт" адбудзецца з нагоды шлюбу сьпявачкі гурта Вольгі Галяк і Андрэя Тарасевіча!
24.09.2005
Віншуем Вольгу!
Сьпявачка GUDY - Вольга Карпцова, якая ўжо 2 гады жыве ў ЗША (г. Сiэтл) пабралася шлюбам! Вiншуем Вольгу i Iгара з гэтай вялiкай падзеяй! Хай усе вашыя задумы стануць рэчаіснасьцю, а жыцьцё поўнiцца шчасьцем!
)
4-10.07.2005
GUDA удзельнiчае ў Мiжнародным фальклорным фэсьце BALTICA 2005.
Сёлета фэст адбываецца ў Літве. Удзельнічаюць фальклорныя калектывы з Манголii, Японii, Турцыi, Iрландыi, Бельгii, Гiшпанii, Босьнii i Герцагавiны, Балгарыi, Швэцыi, Нарвегii, Македонii, Латвii.
| ранейшыя навіны |
